samachara
www.samachara.com
ಹುಬ್ಬಳ್ಳಿ ವೇದಿಕೆಯಿಂದ ಮತ್ತೊಮ್ಮೆ  ಬಜೆಟ್ ಮಂಡಿಸಿದ ಮೋದಿ!
ಸುದ್ದಿ ಸಾರ

ಹುಬ್ಬಳ್ಳಿ ವೇದಿಕೆಯಿಂದ ಮತ್ತೊಮ್ಮೆ ಬಜೆಟ್ ಮಂಡಿಸಿದ ಮೋದಿ!

ರಾಜ್ಯದ ಬಿಜೆಪಿ ನಾಯಕರೂ ಕೇಂದ್ರ ಬಜೆಟ್‌ನ ಯೋಜನೆಗಳನ್ನೇ ತಿರುಗಿಸಿ- ಮಗುಚಿ ಹಾಕಿದ್ದರು. ಮೋದಿಯೂ ಮತ್ತೆ ಅವೇ ವಿಚಾರಗಳನ್ನೇ ಹೇಳಿದರು.

Team Samachara

ಪ್ರಧಾನ ಮಂತ್ರಿ ನರೇಂದ್ರ ಮೋದಿ ಹುಬ್ಬಳ್ಳಿಯಲ್ಲಿಂದು ನಡೆಸಿದ ಚುನಾವಣಾ ಸಮಾವೇಶದಲ್ಲಿ ಕೇಂದ್ರ ಬಜೆಟ್‌ನ ಪ್ರಮುಖ ಯೋಜನೆಗಳನ್ನೇ ಮತ್ತೆ ಪ್ರಸ್ತಾಪಿಸಿದರು.

ರಾತ್ರಿ 7.20ಕ್ಕೆ ತಮ್ಮ ಭಾಷಣ ಆರಂಭಿಸಿದ ಮೋದಿ ಆರಂಭದಲ್ಲಿ ಉತ್ತರ ಕರ್ನಾಟಕದ ಕವಿ- ಕಲಾವಿದರು, ವೀರರನ್ನು ಸ್ಮರಿಸಿದರು. ಬಳಿಕ ಕೇಂದ್ರ ಸರಕಾರ ಬಜೆಟ್‌ನಲ್ಲಿ ಘೋಷಿಸಿರುವ ಯೋಜನೆಗಳನ್ನೇ ಮತ್ತೆ ಉಲ್ಲೇಖಿಸಿದರು.

ಮೋದಿ ವೇದಿಕೆಗೆ ಬರುವುದು ಕತ್ತಲಾಗುತ್ತಿದ್ದ ಕಾರಣ ನೆರೆದಿದ್ದ ಜನರನ್ನು ಹಿಡಿದಿಟ್ಟುಕೊಳ್ಳಲು ಆವರೆಗೂ ರಾಜ್ಯದ ಬಿಜೆಪಿ ನಾಯಕರೂ ಕೇಂದ್ರ ಬಜೆಟ್‌ನ ಯೋಜನೆಗಳನ್ನೇ ತಿರುಗಿಸಿ- ಮಗುಚಿ ಹಾಕಿದ್ದರು. ಮೋದಿಯೂ ಮತ್ತೆ ಅವೇ ವಿಚಾರಗಳನ್ನೇ ಹೇಳಿದರು.

ರಾಜ್ಯದ ಸಮ್ಮಿಶ್ರ ಸರಕಾರದ ವ್ಯಂಗ್ಯವಾಡಿದ ಮೋದಿ, ರಾಜ್ಯ ಸರಕಾರದ ವಿರುದ್ಧ ಯಾವುದೇ ಹೊಸ ಆರೋಪಗಳನ್ನು ಮಾಡದೆ ‘ಹಳೆಯ ಆರೋಪ’ಗಳನ್ನೇ ಪುನರುಚ್ಛರಿಸಿ ಮಾತು ಮುಗಿಸಿದರು.

ತಮ್ಮ ಭಾಷಣದಲ್ಲಿ ರಫೇಲ್‌ ವಿಚಾರವನ್ನಾಗಲೀ, ರಾಜ್ಯದ ಆಡಿಯೊ - ವಿಡಿಯೊ ವಿವಾದದ ಬಗ್ಗೆಯಾಗಲೀ ಪ್ರಸ್ತಾಪಿಸಲಿಲ್ಲ. ಸುಮಾರು ಅರ್ಧ ಗಂಟೆ ಮಾತನಾಡಿದ ಮೋದಿ ಮಾತಿನುದ್ದಕ್ಕೂ ಬಜೆಟ್‌ನ ಮುಖ್ಯಾಂಶಗಳನ್ನು ಓದಿದರು.