samachara
www.samachara.com
ಪ್ರಜಾಪ್ರಭುತ್ವ ಉಳಿಸಲು ಕೋಲ್ಕತ್ತಾ ರ್ಯಾಲಿಯಲ್ಲಿ ಭಾಗವಹಿಸಿದ್ದೆ: ನಡೆ ಸಮರ್ಥಿಸಿಕೊಂಡ ‘ಶತ್ರು’ಘ್ನ
ಸುದ್ದಿ ಸಾರ

ಪ್ರಜಾಪ್ರಭುತ್ವ ಉಳಿಸಲು ಕೋಲ್ಕತ್ತಾ ರ್ಯಾಲಿಯಲ್ಲಿ ಭಾಗವಹಿಸಿದ್ದೆ: ನಡೆ ಸಮರ್ಥಿಸಿಕೊಂಡ ‘ಶತ್ರು’ಘ್ನ

ಪಕ್ಷದಿಂದ ಹೊರಹಾಕಿದರೂ ಅಂಜುವುದಿಲ್ಲ ಎಂದಿರುವ ಶತ್ರುಘ್ನ ಸಿನ್ಹ ತಮ್ಮ ನಡೆಯನ್ನು ಸಮರ್ಥಿಸಿಕೊಂಡಿದ್ದಾರೆ.

Team Samachara

ಕೋಲ್ಕತ್ತಾದಲ್ಲಿ ಶನಿವಾರ ನಡೆದ ಯುನೈಟೆಡ್‌ ಇಂಡಿಯಾ ರ್ಯಾಲಿಯಲ್ಲಿ ಭಾಗವಹಿಸಿದ್ದನ್ನು ಸಮರ್ಥಿಸಿಕೊಂಡಿರುವ ಬಿಜೆಪಿ ಸಂಸದ ಶತ್ರುಘ್ನ ಸಿನ್ಹ ಪ್ರಜಾಪ್ರಭುತ್ವ ಉಳಿಸಲು ಕೋಲ್ಕತ್ತಾ ರ್ಯಾಲಿಯಲ್ಲಿ ಭಾಗವಹಿಸಿದ್ದೆ ಎಂದಿದ್ದಾರೆ.

"ದೇಶವನ್ನು ಹಾಳುಮಾಡಲು ಹೊರಟಿರುವವರಿಂದ ಪ್ರಜಾಪ್ರಭುತ್ವ ರಕ್ಷಿಸಲು ನಾನು ರ್ಯಾಲಿಯಲ್ಲಿ ಭಾಗವಹಿಸಿದ್ದೆ. ನನ್ನ ಮಾತಿಗೆ ನಾನು ಬದ್ಧ" ಎಂದು ಹೇಳಿದ್ದಾರೆ.

"ಬಿಜೆಪಿ ನನ್ನನ್ನು ಹೊರಹಾಕಿದರೂ ಪರವಾಗಿಲ್ಲ. ನಿಜಾಂಶಗಳನ್ನು ಜನರ ಮುಂದಿಡಬೇಕು. ಲೋಕಸಭಾ ಚುನಾವಣೆಯಲ್ಲಿ ಬಿಜೆಪಿಯನ್ನು ಸೋಲಿಸಬೇಕು. ಪ್ರಜಾಪ್ರಭುತ್ವದ ವಿರುದ್ಧ ಮೋದಿ, ಅಮಿತ್‌ ಶಾ ಸರ್ವಾಧಿಕಾರಿಗಳಾಗಿ ನಿಂತಿದ್ದಾರೆ. ಇವರನ್ನು ಅಟಲ್‌ ಬಿಹಾರಿ ವಾಜಪೇಯಿ ಹಾಗೂ ಅಡ್ವಾಣಿ ಜೋಡಿಗೆ ಹೋಲಿಸುತ್ತಿರುವುದು ದುರಂತ" ಎಂದಿದ್ದಾರೆ.

ತೃಣಮೂಲ ಕಾಂಗ್ರೆಸ್‌ ಆಯೋಜಿಸಿದ್ದ ಈ ರ್ಯಾಲಿಯಲ್ಲಿ ಸುಮಾರು 22 ವಿಪಕ್ಷಗಳ ನಾಯಕರು ಭಾಗವಹಿಸಿದ್ದರು. ಆದರೆ, ಈ ಸಭೆಯಲ್ಲಿ ಬಿಜೆಪಿ ಸಂಸದ ಶತ್ರುಘ್ನ ಸಿನ್ಹ ಭಾಗವಹಿಸಿದ್ದು ಬಿಜೆಪಿಗೆ ಮುಜುಗರ ಉಂಟುಮಾಡಿತ್ತು. ಪಕ್ಷದಿಂದ ಹೊರಹಾಕಿದರೂ ಅಂಜುವುದಿಲ್ಲ ಎಂದಿರುವ ಶತ್ರುಘ್ನ ಸಿನ್ಹ ಭಾನುವಾರ ತಮ್ಮ ನಡೆಯನ್ನು ಸಮರ್ಥಿಸಿಕೊಂಡಿದ್ದಾರೆ.