ಕುಮಾರಸ್ವಾಮಿ ಸಂಪುಟದ ಒಟ್ಟು ಮೌಲ್ಯ 1,909 ಕೋಟಿ: ಹೇಗೆ ಅಂತೀರಾ? ಸ್ಟೋರಿ ನೋಡಿ...
COVER STORY

ಕುಮಾರಸ್ವಾಮಿ ಸಂಪುಟದ ಒಟ್ಟು ಮೌಲ್ಯ 1,909 ಕೋಟಿ: ಹೇಗೆ ಅಂತೀರಾ? ಸ್ಟೋರಿ ನೋಡಿ...

ಹಿಂದಿನ ಸಚಿವ ಸಂಪುಟದಲ್ಲಿದ್ದ ಶೇ.97ರಷ್ಟು ಮಂತ್ರಿಗಳು ಕೋಟ್ಯಾಧೀಶರಾಗಿದ್ದರು. ಈ ಬಾರಿಯೂ ಕೂಡ ಕಡಿಮೆಯೇನಿಲ್ಲ. ಎನ್. ಮಹೇಶ್‌ ಒಬ್ಬರನ್ನು ಹೊರತು ಪಡಿಸಿದಂತೆ ಎಲ್ಲರ ಬಳಿಯೂ ಕೋಟಿಗಳಿವೆ.

ಅಳೆದು ತೂಗಿ ಕರ್ನಾಟಕದ ಸಂಚಿವ ಸಂಪುಟ ರಚನೆಯಾಗಿದೆ. ಒಟ್ಟು 25 ಜನನಾಯಕರು ಸಚಿವರಾಗಿ ಬುಧವಾರ ಪ್ರಮಾಣ ವಚನ ಸ್ವೀಕರಿಸಿದ್ದಾರೆ. ಸಚಿವ ಸಂಪುಟಕ್ಕೆ ಸೇರ್ಪಡೆಯಾಗಿರುವ ಬಿಎಸ್‌ಪಿಯ ಎನ್‌.ಮಹೇಶ್‌ ಒಬ್ಬರನ್ನು ಬಿಟ್ಟು ಉಳಿದವರೆಲ್ಲಾ ಕೋಟಿ ವೀರರು. ಎಲ್ಲಾ ಸಚಿವರ ಒಟ್ಟು ವೈಯಕ್ತಿಕ ಆಸ್ತಿ 1,909 ಕೋಟಿಗೂ ಹೆಚ್ಚು.

ಕಳೆದ ಬಾರಿ ಸಿದ್ಧರಾಮಯ್ಯ ನೇತೃತ್ವದ ಸಚಿವ ಸಂಪುಟದಲ್ಲಿದ್ದ ಶೇ.97ರಷ್ಟು ಮಂತ್ರಿಗಳು ಕೋಟ್ಯಾಧೀಶರಾಗಿದ್ದರು. ಈ ಬಾರಿಯೂ ಕೂಡ ಕಡಿಮೆಯೇನಿಲ್ಲ. ಈ ಬಾರಿಯೂ 25 ಜನ ಕೋಟಿ ಮೀರಿದ ಆಸ್ತಿ ಒಡೆಯರು ಸಂಪುಟ ಸೇರಿದ್ದಾರೆ.

ನಾಲ್ಕು ಜನ ಸಚಿವರು 100 ಕೋಟಿಗಳಿಗಿಂತಲೂ ಹೆಚ್ಚಿನ ಆಸ್ತಿಯನ್ನು ಹೊಂದಿದ್ದರೆ, 80 ಕೋಟಿಯನ್ನು ದಾಟಿರುವ ಕೆ. ಜೆ. ಜಾರ್ಜ್‌ ಬಿಲೇನಿಯರ್ ಆಗುವ ಸಮೀಪದಲ್ಲಿದ್ದಾರೆ. 9 ಜನ ಸಚಿವರು 10ರಿಂದ 50 ಕೋಟಿ ಆಸ್ತಿ ಒಡೆಯರಾಗಿದ್ದಾರೆ. 9 ಜನ ಸಚಿವರು 1ರಿಂದ 10 ಕೋಟಿ ಒಳಗಿನ ಆಸ್ತಿಯನ್ನು ಹೊಂದಿದ್ದಾರೆ. ಸಚಿವ ಸಂಪುಟ ಏಕೈಕ ಮಹಿಳಾ ಸಚಿವೆ ಜಯಮಾಲರ ಆಸ್ತಿ ಎಷ್ಟು ಎಂಬ ಮಾಹಿತಿ ಸಿಕ್ಕಿಲ್ಲ.

ಎಲ್ಲಾ ಸಚಿವರು ಸೇರಿ ಸರಿ ಸುಮಾರು 388 ಕೋಟಿಗಳಷ್ಟು ಸಾಲವನ್ನು ಮರುಪಾವತಿ ಮಾಡಬೇಕಿದೆ.

ಇಡೀ ಸಚಿವ ಸಂಪುಟದಲ್ಲಿ ಅತಿ ಹೆಚ್ಚು ಆಸ್ತಿ ಹೊಂದಿರುವುದು ಡಿ. ಕೆ. ಶಿವಕುಮಾರ್‌. ಒಟ್ಟು 840 ಕೋಟಿ ಆಸ್ತಿ ಡಿಕೆಶಿ ಒಡೆತನದಲ್ಲಿದೆ. ಸಚಿವ ಸಂಪುಟದಲ್ಲಿ ಅತಿ ಹೆಚ್ಚು ಸಾಲವನ್ನು ಹೊಂದಿರುವವರೂ ಕೂಡ ಡಿಕೆಶಿಯೇ. ಡಿಕೆಶಿ ಒಟ್ಟು 240 ಕೋಟಿ ರೂಪಾಯಿಗಳಷ್ಟು ಸಾಲವನ್ನು ಅವರು ಹಿಂತಿರುಗಿಸಬೇಕಿದೆ.

ಸಚಿವ ಸಂಪುಟದಲ್ಲಿನ ಎರಡನೇ ಶ್ರಿಮಂತ ಎಂಬ ಪಟ್ಟವನ್ನು ಕರ್ನಾಟಕ ಪ್ರಜ್ಞಾವಂತರ ಜನತಾ ಪಕ್ಷದಿಂದ ರಾಣೇಬೆನ್ನೂರು ಶಾಸಕ ಆರ್. ಶಂಕರ್‌ಗೆ ಸಲ್ಲುತ್ತದೆ. ಆರ್‌. ಶಂಕರ್‌ರ ಒಟ್ಟು ಆಸ್ತಿ 265.33 ಕೋಟಿ. ಶಂಕರ್‌ ಒಟ್ಟು 53.46 ಲಕ್ಷ ರೂಪಾಯಿಗಳ ಸಾಲವನ್ನಷ್ಟೇ ಹಿಂತಿರುಗಿಸಬೇಕಿದೆ.

ಮೂರನೇ ಸ್ಥಾನ ಆರ್. ವಿ. ದೇಶಪಾಂಡೆಯವರದ್ದು. ಆರ್‌. ವಿ. ದೇಶಪಾಂಡೆ ಒಟ್ಟು 215 ಕೋಟಿ ಆಸ್ತಿಯನ್ನು ಹೊಂದಿದ್ದು, ಯಾವುದೇ ಸಾಲವನ್ನು ಮಾಡಿಲ್ಲ.

ನೂರು ಕೋಟಿ ದಾಟಿರುವ ಮತ್ತೊಬ್ಬ ಸಚಿವ ರಮೇಶ್‌ ಜಾರಕಿಹೊಳಿ. 122.79 ಕೋಟಿ ರೂಪಾಯಿಗಳ ಆಸ್ತಿ ಹೊಂದಿರುವ ರಮೇಶ್‌ ಜಾರಕಿಹೊಳಿ 46.46 ಕೋಟಿ ಸಾಲವನ್ನೂ ಹೊಂದಿದ್ದಾರೆ. ಉಳಿದ ಸಚಿವರೆಲ್ಲರ ಆಸ್ತಿ 100 ಕೋಟಿಯ ಒಳಗಿದೆ.

ಅತಿ ಕಡಿಮೆ ಆಸ್ತಿ ಹೊಂದಿರುವವರ ಸಾಲಿನಲ್ಲಿ ಬಹುಜನ ಸಮಾಜ ಪಕ್ಷದ ಎನ್. ಮಹೇಶ್‌ ಮೊದಲಿಗರು. ಸರಿ ಸುಮಾರು 77 ಲಕ್ಷ ಮೌಲ್ಯ ಬೆಲೆ ಬಾಳುವ ಆಸ್ತಿಯನ್ನಷ್ಟೇ ಎನ್. ಮಹೇಶ್‌ ಹೊಂದಿದ್ದಾರೆ. ಜತೆಗೆ ಯಾವ ಸಾಲಗಳು ಕೂಡ ಇಲ್ಲ.

ಕಡಿಮೆ ಆಸ್ತಿ ಹೊಂದಿರುವ ಎರಡನೇ ಸಚಿವ ವೆಂಕಟ ರಮಣಪ್ಪ. ಒಟ್ಟು 1.80 ಕೋಟಿಗಳಷ್ಟು ಆಸ್ತಿ ಹೊಂದಿರುವ ವೆಂಕಟರಮಣಪ್ಪ 83 ಲಕ್ಷದಷ್ಟು ಸಾಲವನ್ನೂ ಕೂಡ ಹೊಂದಿದ್ದಾರೆ.

ಮೂರನೇ ಸ್ಥಾನದಲ್ಲಿ ಯು.ಟಿ. ಖಾದರ್‌ ನಿಲ್ಲುತ್ತಾರೆ. ಯು. ಟಿ. ಖಾದರ್‌ ಒಟ್ಟು 2.47 ಕೋಟಿ ರೂಪಾಯಿ ಮೌಲ್ಯದ ಆಸ್ತಿ ಹೊಂದಿದ್ದು, ಯಾವುದೇ ಸಾಲಗಳನ್ನು ಮಾಡಿಲ್ಲ.

ಉಳಿದಂತೆ ಯಾವುದೇ ಸಾಲಗಳಿಲ್ಲದ ಸಚಿವರ ಸಂಖ್ಯೆ 4 ಮಾತ್ರ. ಅತಿ ಹೆಚ್ಚು ಸಾಲಗಾರರ ಪೈಕಿ 240 ಕೋಟಿ ಸಾಲವಿರುವ ಡಿಕೆಶಿ ಮೊದಲಿಗರಾಗಿ ನಿಂತರೆ, ಸಿ.ಪುಟ್ಟರಂಗ ಶೆಟ್ಟಿ ಒಟ್ಟು 3 ಲಕ್ಷ ರೂಪಾಗಿಳ ಸಾಲವನ್ನು ತೀರಿಸಬೇಕಾದವರ ಪಟ್ಟಿಯಲ್ಲಿ ಕೊನೆಯವರಾಗಿ ನಿಲ್ಲುತ್ತಾರೆ.

ಯಾರ್ಯಾರ ಆಸ್ತಿ ಮತ್ತು ಸಾಲ ಎಷ್ಟೆಷ್ಟಿದೆ?:

  • ಹೆಚ್‌.ಡಿ. ಕುಮಾರಸ್ವಾಮಿ:

ಆಸ್ತಿ - 43 ಕೋಟಿ

ಸಾಲ - 2.9 ಕೋಟಿ

  • ಡಾ.ಜಿ.ಪರಮೇಶ್ವರ್‌:

ಆಸ್ತಿ - 11.62 ಕೋಟಿ

ಸಾಲ - 9.32 ಕೋಟಿ

  • ಹೆಚ್‌.ಡಿ. ರೇವಣ್ಣ:

ಆಸ್ತಿ - 23.67 ಕೋಟಿ

ಸಾಲ - 6.44 ಕೋಟಿ

  • ಬಂಡೆಪ್ಪ ಕಾಂಶೆಂಪುರ್‌:

ಆಸ್ತಿ - 7.32 ಕೋಟಿ

ಸಾಲ - 30.52 ಲಕ್ಷ.

  • ಡಿ.ಕೆ.ಶಿವಕುಮಾರ್ :

ಆಸ್ತಿ - 840 ಕೋಟಿ

ಸಾಲ - 240 ಕೋಟಿ

  • ಜಿ.ಟಿ. ದೇವೇಗೌಡ:

ಆಸ್ತಿ - 6.56 ಕೋಟಿ

ಸಾಲ - 62.87 ಲಕ್ಷ

  • ಕೆ. ಜೆ. ಜಾರ್ಜ್‌:

ಆಸ್ತಿ - 80.18 ಕೋಟಿ

ಸಾಲ - 48.08 ಕೋಟಿ

  • ಡಿ.ಸಿ. ತಮ್ಮಣ್ಣ:

ಆಸ್ತಿ - 28.12 ಕೋಟಿ

ಸಾಲ - 7.42 ಕೋಟಿ

  • ಕೃಷ್ಣ ಭೈರೇಗೌಡ :

ಆಸ್ತಿ - 12.48 ಕೋಟಿ

ಸಾಲ - 1.71 ಕೋಟಿ

  • ಎಂ.ಸಿ. ಮಲಗೋಳಿ:

ಆಸ್ತಿ - 6.73 ಕೋಟಿ

ಸಾಲ - 88.03 ಲಕ್ಷ

  • ಎನ್. ಹೆಚ್. ಶಿವಶಂಕರ್‌ ರೆಡ್ಡಿ:

ಆಸ್ತಿ - 17.51 ಕೋಟಿ

ಸಾಲ - 3.84 ಕೋಟಿ

  • ಎಸ್‌.ಎನ್‌.ಶ್ರೀನಿವಾಸ್:

ಆಸ್ತಿ - 6.04 ಕೋಟಿ

ಸಾಲ - 57.95 ಲಕ್ಷ

  • ರಮೇಶ್‌ ಜಾರಕಿಹೊಳಿ:

ಆಸ್ತಿ - 122.79 ಕೋಟಿ

ಸಾಲ - 46.46 ಕೋಟಿ

  • ವೆಂಕಟರಾವ್‌ ನಾಡಗೌಡ:

ಆಸ್ತಿ - 6.18 ಕೋಟಿ

ಸಾಲ - ಇಲ್ಲ.

  • ಪ್ರಿಯಾಂಕ್‌ ಖರ್ಗೆ:

ಆಸ್ತಿ - 14.62 ಕೋಟಿ

ಸಾಲ - 69.64 ಲಕ್ಷ

  • ಯು. ಟಿ. ಖಾದರ್‌:

ಆಸ್ತಿ - 2.47 ಕೋಟಿ

ಸಾಲ - ಇಲ್ಲ

  • ಸಿ. ಎಸ್. ಪುಟ್ಟರಾಜು:

ಆಸ್ತಿ - 7.68 ಕೋಟಿ

ಸಾಲ - 1.81 ಕೋಟಿ

  • ಸಾ ರಾ ಮಹೇಶ್‌:

ಆಸ್ತಿ - 43.81 ಕೋಟಿ

ಸಾಲ - 82.96 ಲಕ್ಷ

  • ಸಿ. ಪುಟ್ಟರಂಗಶೆಟ್ಟಿ:

ಆಸ್ತಿ - 3.93 ಕೋಟಿ

ಸಾಲ - 3 ಲಕ್ಷ

  • ಆರ್. ಶಂಕರ್‌:

ಆಸ್ತಿ - 265.33 ಕೋಟಿ

ಸಾಲ - 53.46 ಲಕ್ಷ

  • ಜಮೀರ್‌ ಅಹಮದ್:

ಆಸ್ತಿ - 40.34 ಕೋಟಿ

ಸಾಲ - 22.78 ಕೋಟಿ

  • ಶಿವಾನಂದ ಎಸ್‌ ಪಾಟೀಲ್‌:

ಆಸ್ತಿ - 14.40 ಕೋಟಿ

ಸಾಲ - 3.19 ಕೋಟಿ

  • ವೆಂಕಟ ರಮಣಪ್ಪ:

ಆಸ್ತಿ - 1.80 ಕೋಟಿ

ಸಾಲ - 82.96 ಲಕ್ಷ

  • ಎನ್‌. ಮಹೇಶ್:

ಆಸ್ತಿ -75.66 ಲಕ್ಷ

ಸಾಲ - ಇಲ್ಲ

  • ರಾಜಶೇಖರ್‌ ಪಾಟೀಲ್‌:

ಆಸ್ತಿ - 12.85 ಕೋಟಿ

ಸಾಲ - 87.08 ಲಕ್ಷ

  • ಆರ್. ವಿ. ದೇಶಪಾಂಡೆ:

ಆಸ್ತಿ - 215 ಕೋಟಿ

ಸಾಲ - .....

ಇದಿಷ್ಟು ನೂತನ ಸಚಿವ ಸಂಪುಟ ‘ಆರ್ಥಿಕ ಲೆಕ್ಕಾಚಾರ’. ಇವರು ತಮ್ಮ ಅಧಿಕಾರವಧಿಯಲ್ಲಿ ಜನಸೇವೆಯ ಜತೆಗೆ ಎಷ್ಟೆ ದುಡಿಮೆ ಮಾಡಲಿದ್ದಾರೆ ಎಂಬುದನ್ನು ಗಮನಿಸಲು ಸಹಾಯ ಮಾಡಬಹುದು ಎಂಬ ಸಾರ್ವಜನಿಕ ಹಿತದೃಷ್ಟಿಯನ್ನು ಇಟ್ಟುಕೊಂಡು ಈ ಅಂಕಿ ಅಂಶಗಳನ್ನಿಲ್ಲಿ ಪ್ರಕಟಿಸಲಾಗಿದೆ.